Madridning «Real» klubi o‘z yarim himoyachisi Tyago Pitarchni saqlab qolishga qaror qildi. The Athletic nashrining xabar berishicha, Fransiyaning «Lill» klubi 19 yoshli xavbekni o‘z safiga qo‘shib olishga urinib ko‘rgan.
Fransiya klubi Pitarchni «Manchester Siti»ga o‘tishi kutilayotgan marokashlik Ayyub Buaddiga munosib o‘rinbosar sifatida ko‘rgan edi. Biroq «Qirollik klubi» yosh futbolchini sotish yoki ijaraga berishni istamadi va fransuzlarning taklifini rad etdi.
Ma’lumot uchun, o‘tgan mavsumda Tyago Pitarch La Liga doirasida Madrid klubi safida 10 ta uchrashuvda maydonga tushib, 2 ta golli uzatmaga mualliflik qilgan.
