«Manchester Siti» yarim himoyachisi Niko Gonsales «Nyukasl»ga o‘tish arafasida.
Mashhur insayder Fabrisio Romano xabar berishicha, ispaniyalik futbolchi yangi klubi qarorgohiga yetib borgan va tibbiy ko‘rikdan o‘tish hamda shartnoma imzolashi kutilmoqda.
Transferning umumiy qiymati 50 million funt sterlingni tashkil qilishi mumkin. «Nyukasl» Gonsales uchun «Manchester Siti»ga 47 million funt to‘laydi, yana 3 million funt bonuslar sifatida ko‘zda tutilgan.
Bugun klublar transferni rasmiylashtirish uchun zarur hujjatlarni ham almashdi. Tibbiy ko‘rikdan muvaffaqiyatli o‘tganidan so‘ng, Gonsales yangi jamoasi bilan shartnoma imzolaydi.
