«Manchester Siti» «Chelsi» yarim himoyachisi Enso Fernandes transferi bo‘yicha aniq qadamlar tashlashga tayyorlanmoqda.

Jurnalist Fabrisio Romanoning ma’lum qilishicha, «shaharliklar» yaqin vaqt ichida argentinalik futbolchi uchun London klubiga rasmiy taklif yuboradi.

Fernandesning o‘zi ham jamoasini almashtirishga qarshi emas va «Manchester Siti»ga ehtimoliy transferga rozilik bildirgan. Bunga ta’sir qilayotgan omillardan biri — uning yana Enso Mareska qo‘l ostida ishlash imkoniyati. Fernandes avval «Chelsi»da ushbu mutaxassis bilan birga ishlagan.

Endi muzokaralarning keyingi taqdiri «Chelsi»ning pozisiyasiga bog‘liq bo‘ladi. London klubi avvalroq Enso Fernandesni 120 million funtga baholagan.