Angliya terma jamoasining sobiq futbolchisi Rahim Sterlingga may oyida sodir bo‘lgan yo‘l-transport hodisasidan keyin rasman ayblovlar qo‘yildi. Bu haqda Goal xabar berdi.
Sterling boshqargan, qiymati taxminan 270 ming funt bo‘lgan Lamborghini avtomagistral to‘sig‘iga urilgan. Hodisaga boshqa avtomobil jalb etilmagan va hech kim jarohat olmagan.
Polisiya Sterlingni xavfli tarzda avtomobil boshqarish, azot oksidi — "kuldiruvchi gaz"ni saqlash hamda tekshiruv uchun talab qilingan namuna topshirishdan bosh tortishda ayblamoqda. Futbolchi 15 sentyabr kuni Beyzingstok magistratlar sudida hozir bo‘lishi kerak. Agar xavfli mashina boshqarish bo‘yicha aybdor deb topilsa, unga ikki yilgacha ozodlikdan mahrum qilish jazosi tayinlanishi mumkin.
Sterling 2022 yilda "Manchester Siti"dan "Chelsi"ga o‘tgan, keyinchalik "Arsenal"da ijara asosida o‘ynagan. So‘ng u "Feyenoord" sharafini himoya qildi, ammo Niderlandiya klubi bilan shartnomasi yozda yakunlandi. Hozirda u erkin agent hisoblanadi.
