Англия терма жамоасининг собиқ футболчиси Раҳим Стерлингга май ойида содир бўлган йўл-транспорт ҳодисасидан кейин расман айбловлар қўйилди. Бу ҳақда Goal хабар берди.
Стерлинг бошқарган, қиймати тахминан 270 минг фунт бўлган Lamborghini автомагистраль тўсиғига урилган. Ҳодисага бошқа автомобиль жалб этилмаган ва ҳеч ким жароҳат олмаган.
Полиция Стерлингни хавфли тарзда автомобиль бошқариш, азот оксиди — "кулдирувчи газ"ни сақлаш ҳамда текширув учун талаб қилинган намуна топширишдан бош тортишда айбламоқда. Футболчи 15 сентябрь куни Бейзингсток магистратлар судида ҳозир бўлиши керак. Агар хавфли машина бошқариш бўйича айбдор деб топилса, унга икки йилгача озодликдан маҳрум қилиш жазоси тайинланиши мумкин.
Стерлинг 2022 йилда "Манчестер Сити"дан "Челси"га ўтган, кейинчалик "Арсенал"да ижара асосида ўйнаган. Сўнг у "Фейеноорд" шарафини ҳимоя қилди, аммо Нидерландия клуби билан шартномаси ёзда якунланди. Ҳозирда у эркин агент ҳисобланади.
