«Brayton» va «Liverpul» vinger Yankuba Mintening transfer shartlarini kelishib ola olmayapti.
«Qanotlilar» 22 yoshli futbolchi uchun taxminan 80 million funt sterling (93,5 million yevro) so‘ramoqda. Jurnalist Aleks Krukning ma’lumotlariga ko‘ra, «qizillar» gambiyalik futbolchi bo‘yicha ikkita taklif bildirgan — ikkalasi ham 60 million funt sterling (70 million yevro) dan kam summani tashkil qilgan. Mersisaydliklar sezilarli darajada ko‘proq pul taklif qilish niyatida emas.
Avvalroq klublar o‘rtasidagi muzokaralar berk ko‘chaga kirib qolgani xabar qilingan edi. Transfermarkt portali ekspertlari Yankuba Mintening qiymatini 45 million yevroga baholamoqda. O‘tgan mavsumda futbolchi 36 ta o‘yinda 3 ta gol urdi va 4 ta golli uzatmani amalga oshirdi.
