«Брайтон» ва «Ливерпуль» вингер Янкуба Минтенинг трансфер шартларини келишиб ола олмаяпти.

«Қанотлилар» 22 ёшли футболчи учун тахминан 80 миллион фунт стерлинг (93,5 миллион евро) сўрамоқда. Журналист Алекс Крукнинг маълумотларига кўра, «қизиллар» гамбиялик футболчи бўйича иккита таклиф билдирган — иккаласи ҳам 60 миллион фунт стерлинг (70 миллион евро) дан кам суммани ташкил қилган. Мерсисайдликлар сезиларли даражада кўпроқ пул таклиф қилиш ниятида эмас.

Аввалроқ клублар ўртасидаги музокаралар берк кўчага кириб қолгани хабар қилинган эди. Transfermarkt портали экспертлари Янкуба Минтенинг қийматини 45 миллион еврога баҳоламоқда. Ўтган мавсумда футболчи 36 та ўйинда 3 та гол урди ва 4 та голли узатмани амалга оширди.