«Barselona» va «Milan» klublari safida to‘p surgan ivuariyalik yarim himoyachi Frank Kessi Italiya A Seriyasiga qaytishi mumkin. Bu haqda o‘z sahifalarida jurnalist Fabrisio Romano xabar bermoqda.
Ma’lumotlarga ko‘ra, 29 yoshli futbolchining xizmatlariga Turinning «Yuventus» klubi jiddiy qiziqish bildirmoqda. «Keksa sinyora» futbolchining vakillari bilan mumkin bo‘lgan transfer yuzasidan faol muzokaralar olib bormoqda.
Ayni paytda Frank Kessi erkin agent maqomida turibdi. Yarim himoyachining so‘nggi jamoasi Saudiya Arabistonining «Al-Ahli» klubi bo‘lgan edi. U yozda shartnoma muddati tugagani sababli jamoani tark etgandi.
Eslatib o‘tamiz, o‘tgan mavsumda yarim himoyachi 39 ta uchrashuvda maydonga tushib, 9 ta gol urdi va 5 ta golli uzatmani amalga oshirdi.
