Angliya terma jamoasi va «Manchester Yunayted»ning sobiq hujumchisi Ueyn Runi yarim himoyachi Karlos Balebaning mankunianliklar klubiga o‘tishiga izoh berdi.
«U menga haqiqatan ham yoqadi, o‘ylaymanki, bu juda yaxshi xarid. Bizga jismoniy jihatdan baquvvat bo‘lgan yana bir yarim himoyachi kerak edi. Bilaman, uning bo‘yi ikki metr emas va hokazo, lekin u maydondagi bo‘shliqni a’lo darajada yopadi, agressiv o‘ynaydi, to‘p bilan o‘zini ishonchli tutadi — bizga aynan shunday futbolchi kerak. Bu jamoani sezilarli darajada kuchaytira oladigan juda yaxshi o‘yinchi», — deya Runining so‘zlarini keltiradi ESPN.
«Manchester Yunayted» Balebaning transferi haqida 15 avgust kuni e’lon qilgan edi. Futbolchi bilan tuzilgan shartnoma 2032 yilgacha mo‘ljallangan bo‘lib, uni yana bir yilga uzaytirish imkoniyati ham ko‘zda tutilgan.
