Superliganing 19-turida «Lokomotiv» o‘z maydonida «Bunyodkor»ni qabul qiladi.

Toshkentning ikki jamoasi shu kunga qadar o‘zaro 35 marta to‘qnash kelgan. Ushbu bahslarda «Bunyodkor» biroz ustunlikka ega.

«Lokomotiv» 12 ta uchrashuvda g‘alaba qozongan bo‘lsa, «Bunyodkor» 14 marta zafar quchgan. Yana 9 ta bahs durang natija bilan yakunlangan.

O‘zaro uchrashuvlarda «Lokomotiv» raqib darvozasiga 45 ta gol urgan, «Bunyodkor» esa 49 marta gol kiritishga muvaffaq bo‘lgan.

Jamoalar o‘rtasidagi eng yirik hisoblar ham e’tiborga molik. «Lokomotiv»ning «Bunyodkor» ustidan eng yirik g‘alabasi — 3:0. «Bunyodkor» esa raqibini eng katta hisobda 4:0 natijasi bilan mag‘lub etgan.

O‘zaro o‘yinlar statistikasi:

«Lokomotiv» — «Bunyodkor»
O‘yinlar — 35 ta
«Lokomotiv» g‘alabalari — 12 ta
«Bunyodkor» g‘alabalari — 14 ta
Duranglar — 9 ta
Gollar — 45:49
Eng yirik g‘alabalar — 3:0 va 0:4

Navbatdagi uchrashuv 26 avgust kuni soat 19:00 da «Lokomotiv» stadionida bo‘lib o‘tadi. Bahs Sport TV telekanali orqali namoyish etiladi.