"Brentford" "Vest Xem" himoyachisi El Hoji Malik Diufni sotib olish bo‘yicha og‘zaki kelishuvga erishdi. Bu haqda jurnalist Santi Auna xabar berdi.

Manba ma’lumotiga ko‘ra, transferning umumiy qiymati 40 million funtgacha yetishi mumkin. Klublar 35 million funt va qo‘shimcha bonuslardan iborat bitim bo‘yicha kelishib olgan, ammo hujjatlar hali imzolanmagan.

Diufning o‘zi ham transferga to‘liq rozi. U "Brentford"ni rivojlanishini davom ettirish uchun qiziqarli loyiha sifatida ko‘rmoqda.

"Vest Xem" senegallik chap qanot himoyachisini o‘tgan yozda "Slaviya Praga"dan xarid qilgan edi. 21 yoshli futbolchi qisqa vaqt ichida jamoa asosiy tarkibidan mustahkam joy oldi.

Joriy mavsumda Diuf Premyer-ligada 32 ta uchrashuvda maydonga tushib, 5 ta golli uzatmani amalga oshirdi.

Shuningdek, u Senegal terma jamoasining Afrika millatlar kubogidagi g‘alabasi va 2026 yilgi jahon chempionatidagi muvaffaqiyatli ishtirokiga ham muhim hissa qo‘shdi.