"Брентфорд" "Вест Хэм" ҳимоячиси Эл Ҳожи Малик Диуфни сотиб олиш бўйича оғзаки келишувга эришди. Бу ҳақда журналист Санти Ауна хабар берди.

Манба маълумотига кўра, трансфернинг умумий қиймати 40 миллион фунтгача етиши мумкин. Клублар 35 миллион фунт ва қўшимча бонуслардан иборат битим бўйича келишиб олган, аммо ҳужжатлар ҳали имзоланмаган.

Диуфнинг ўзи ҳам трансферга тўлиқ рози. У "Брентфорд"ни ривожланишини давом эттириш учун қизиқарли лойиҳа сифатида кўрмоқда.

"Вест Хэм" сенегаллик чап қанот ҳимоячисини ўтган ёзда "Славия Прага"дан харид қилган эди. 21 ёшли футболчи қисқа вақт ичида жамоа асосий таркибидан мустаҳкам жой олди.

Жорий мавсумда Диуф Премьер-лигада 32 та учрашувда майдонга тушиб, 5 та голли узатмани амалга оширди.

Шунингдек, у Сенегал терма жамоасининг Африка миллатлар кубогидаги ғалабаси ва 2026 йилги жаҳон чемпионатидаги муваффақиятли иштирокига ҳам муҳим ҳисса қўшди.