Madridning «Real» klubi hujumchisi Kilian Mbappe joriy mavsumdagi ilk golini urdi.
Fransiyalik futbolchi bugungi La Liga doirasidagi «Real Sosyedad»ga qarshi uchrashuvning 40-daqiqasida raqib darvozasini ishg‘ol qildi. Bu 27 yoshli hujumchining «qaymoqranglilar» yangi bosh murabbiyi Joze Mourinyu qo‘l ostidagi ilk goli bo‘ldi.
Umuman olganda, yulduz forvard «Qirollik klubi» safida 105 ta uchrashuvda 87 ta gol urishga muvaffaq bo‘lgan.
Eslatib o‘tamiz, mavsumning «Espanyol»ga qarshi ilk o‘yinida Kilian Mbappe raqib darvozasi tomon 10 marta zarba bergan, ammo gol ura olmagan edi.
