"Real" sardori Federiko Valverde Ispaniya chempionatining 1-turida "Real Sosyedad" ustidan qozonilgan 4:1 hisobidagi g‘alabadan keyin fikr bildirdi.

"Men g‘alabani juda qattiq istagan, yuqori kayfiyatdagi jamoani ko‘rdim. Birinchi golni urganimizdan keyin bizga biroz sabr yetishmadi. To‘pni ko‘proq nazorat qilib, hisobni ushlab turishimiz kerak edi.

Tanaffusdagi suhbat bizga foyda berdi, ikkinchi bo‘lim esa ajoyib o‘tdi. Biz pressingga alohida e’tibor qaratdik, ba’zi o‘zgartishlar kiritdik va ikkinchi bo‘limda o‘zimizni ancha erkin his qildik.

Hozir Mbappening o‘yinidan shunchaki zavq olish kerak. U ko‘proq gol urishi, o‘zini qulay va baxtli his qilishi uchun unga minglab uzatmalar berishimiz kerak. U bugun qilgan ishlarini yil davomida ham ko‘rsatib kelyapti.

"Real" sardori bo‘lish — aql bovar qilmas tuyg‘u. Bu kunni uzoq vaqt eslab qolaman. Oilam ham shu yerda edi va ular juda ta’sirlanishdi. Ammo eng muhimi — g‘alaba qozonish edi va biz bunga erishdik", — dedi Valverde. Uning so‘zlarini AS nashri keltirdi.