"Реал" сардори Федерико Вальверде Испания чемпионатининг 1-турида "Реал Сосьедад" устидан қозонилган 4:1 ҳисобидаги ғалабадан кейин фикр билдирди.

"Мен ғалабани жуда қаттиқ истаган, юқори кайфиятдаги жамоани кўрдим. Биринчи голни урганимиздан кейин бизга бироз сабр етишмади. Тўпни кўпроқ назорат қилиб, ҳисобни ушлаб туришимиз керак эди.

Танаффусдаги суҳбат бизга фойда берди, иккинчи бўлим эса ажойиб ўтди. Биз прессингга алоҳида эътибор қаратдик, баъзи ўзгартишлар киритдик ва иккинчи бўлимда ўзимизни анча эркин ҳис қилдик.

Ҳозир Мбаппенинг ўйинидан шунчаки завқ олиш керак. У кўпроқ гол уриши, ўзини қулай ва бахтли ҳис қилиши учун унга минглаб узатмалар беришимиз керак. У бугун қилган ишларини йил давомида ҳам кўрсатиб келяпти.

"Реал" сардори бўлиш — ақл бовар қилмас туйғу. Бу кунни узоқ вақт эслаб қоламан. Оилам ҳам шу ерда эди ва улар жуда таъсирланишди. Аммо энг муҳими — ғалаба қозониш эди ва биз бунга эришдик", — деди Вальверде. Унинг сўзларини AS нашри келтирди.