«Milan» Rafael Leauning kelajagi bo‘yicha masalani tezroq hal qilishni istamoqda. Nikolo Skira ma’lumotiga ko‘ra, «rossonerilar» vinger uchun Turkiyaning «Galatasaroy» va Angliyaning «Aston Villa» klublaridan tushgan takliflarni qabul qilgan. Har ikki klub ham futbolchi uchun 45–50 million yevro to‘lashga tayyor.

Italiya grandi rahbariyati portugaliyalik futbolchi bugun, payshanba kuni faoliyatini qayerda davom ettirishini tanlashiga umid qilmoqda.

Manbaga ko‘ra, «Galatasaroy» 27 yoshli Leauga 2030 yilga qadar mo‘ljallangan va yiliga 12 million yevro maosh ko‘zda tutilgan shartnoma taklif qilgan.

«Aston Villa» esa uzoqroq muddatli — 2031 yilga qadar shartnoma taklif etmoqda, ammo maosh miqdori kamroq — yiliga 8 million yevro.

Rafael Leau 2019 yildan buyon «Milan» safida to‘p tepib kelmoqda.