Joze Mourinyu 13 yillik tanaffusdan so‘ng Madridning «Real» klubi bosh murabbiyi sifatida «Santyago Bernabeu»da ilk uchrashuvini o‘tkazdi.
«Qaymoqranglilar» La Liga doirasida o‘z maydonida «Real Sosyedad»ni 4:1 hisobida mag‘lub etdi. Kilian Mbappe xet-trik qayd etgan bo‘lsa, yana bir golga Vinisius Junior mualliflik qildi.
«Santyago Bernabeu»ga qaytishim odatdagidek o‘tdi — endi o‘yinlar oldidan asabiylashmayman. O‘tgan safar fevral oyida bu yerga «Benfika» bilan kelganimda, o‘yinni avtoturargohdan tomosha qilishimga to‘g‘ri kelgan edi. Bu safar esa zaxira o‘rindig‘idan kuzatish imkoniga ega bo‘ldim», — dedi Mourinyu. Uning so‘zlarini Madrid Universal keltirdi.
Portugaliyalik mutaxassis iyun oyida «Real»ga qaytgan. U «Benfika»da o‘tgan yilning sentyabr oyidan buyon ishlab kelayotgan edi.
