Жозе Моуринью 13 йиллик танаффусдан сўнг Мадриднинг «Реал» клуби бош мураббийи сифатида «Сантьяго Бернабеу»да илк учрашувини ўтказди.

«Қаймоқранглилар» Ла Лига доирасида ўз майдонида «Реал Сосьедад»ни 4:1 ҳисобида мағлуб этди. Килиан Мбаппе хет-трик қайд этган бўлса, яна бир голга Винисиус Жуниор муаллифлик қилди.

«Сантьяго Бернабеу»га қайтишим одатдагидек ўтди — энди ўйинлар олдидан асабийлашмайман. Ўтган сафар февраль ойида бу ерга «Бенфика» билан келганимда, ўйинни автотураргоҳдан томоша қилишимга тўғри келган эди. Бу сафар эса захира ўриндиғидан кузатиш имконига эга бўлдим», — деди Моуринью. Унинг сўзларини Madrid Universal келтирди.

Португалиялик мутахассис июнь ойида «Реал»га қайтган. У «Бенфика»да ўтган йилнинг сентябрь ойидан буён ишлаб келаётган эди.