«Milan» vingeri Rafael Leau «Galatasaroy»ga o‘tishga yanada yaqinlashdi. Insayder Fabrisio Romano ma’lumotiga ko‘ra, «rossonerilar» portugaliyalik futbolchi bo‘yicha Turkiya klubining taklifini qabul qilgan. Hozircha tomonlar o‘rtasida og‘zaki kelishuv mavjud.

Transfer qiymati bonuslarsiz 45 million yevroga baholanmoqda. Endi yakuniy qarorni futbolchining o‘zi qabul qilishi kerak. Leauga Angliyaning «Aston Villa» klubi ham qiziqish bildirmoqda.

Ma’lumotlarga ko‘ra, «Galatasaroy» 27 yoshli futbolchiga yiliga qariyb 12 million yevro maosh to‘lashga tayyor.

Rafael Leauning «Milan» bilan amaldagi shartnomasi 2028 yil o‘rtalariga qadar mo‘ljallangan. Transfermarkt portali uning bozor qiymatini 50 million yevroga baholamoqda.