«Милан» вингери Рафаэл Леау «Галатасарой»га ўтишга янада яқинлашди. Инсайдер Фабрицио Романо маълумотига кўра, «россонерилар» португалиялик футболчи бўйича Туркия клубининг таклифини қабул қилган. Ҳозирча томонлар ўртасида оғзаки келишув мавжуд.

Трансфер қиймати бонусларсиз 45 миллион еврога баҳоланмоқда. Энди якуний қарорни футболчининг ўзи қабул қилиши керак. Леауга Англиянинг «Астон Вилла» клуби ҳам қизиқиш билдирмоқда.

Маълумотларга кўра, «Галатасарой» 27 ёшли футболчига йилига қарийб 12 миллион евро маош тўлашга тайёр.

Рафаэл Леаунинг «Милан» билан амалдаги шартномаси 2028 йил ўрталарига қадар мўлжалланган. Transfermarkt портали унинг бозор қийматини 50 миллион еврога баҳоламоқда.