«Liverpul»ning hujumkor yarim himoyachisi Xarvi Elliott Italiya A Seriyasining ikki klubi qiziqish doirasiga tushdi.

Jurnalist Pit O'Rurk ma’lumotiga ko‘ra, angliyalik futbolchiga «Napoli» va «Lasio» da’vogarlik qilmoqda. Har ikki klub ham joriy transfer oynasining so‘nggi kunlarida 23 yoshli futbolchini o‘z safiga qo‘shib olishga harakat qilishi mumkin.

Transfermarkt portali Xarvi Elliottning bozor qiymatini 20 million yevroga baholamoqda. Uning «Liverpul» bilan amaldagi shartnomasi kelasi yilning yozida yakuniga yetadi.

O‘tgan mavsumda yarim himoyachi ijara asosida «Aston Villa» safida to‘p tepdi. Biroq u yerda o‘zini to‘liq namoyon eta olmadi: barcha musobaqalarda 9 ta uchrashuv o‘tkazib, 1 ta gol urdi.