2026 yil Norvegiya futboli uchun XXI asrdagi eng muvaffaqiyatli yillardan biri bo‘ldi.
Skandinaviya terma jamoasi jahon chempionatida chorak finalga qadar yetib bordi, «Budyo-Glimt» esa Chempionlar ligasidagi debyut mavsumida 1/8 finalga chiqishga muvaffaq bo‘ldi.
Chempionlar ligasining yangi mavsumi umumiy bosqichida Norvegiyaning birdaniga ikki klubi ishtirok etadi.
«Budyo-Glimt» saralash bosqichida «Yunion»ni 3:3 va 3:2, NEKni esa 3:1 va 3:0 hisoblarida ortda qoldirdi.
«Viking» esa bugun Zagrebning «Dinamo» klubini musobaqadan chiqarib yubordi. Jamoalar o‘rtasidagi birinchi uchrashuv 2:2 hisobida yakunlangan bo‘lsa, javob bahsida «Viking» 3:1 hisobida g‘alaba qozondi.
So‘nggi bor Chempionlar ligasida Norvegiyaning ikki klubi 1999/2000 yilgi mavsumda bir vaqtning o‘zida ishtirok etgan edi. O‘shanda mamlakat sharafini «Rusenborg» va «Molde» himoya qilgan.
