2026 йил Норвегия футболи учун XXI асрдаги энг муваффақиятли йиллардан бири бўлди.
Скандинавия терма жамоаси жаҳон чемпионатида чорак финалга қадар етиб борди, «Будё-Глимт» эса Чемпионлар лигасидаги дебют мавсумида 1/8 финалга чиқишга муваффақ бўлди.
Чемпионлар лигасининг янги мавсуми умумий босқичида Норвегиянинг бирданига икки клуби иштирок этади.
«Будё-Глимт» саралаш босқичида «Юнион»ни 3:3 ва 3:2, НЕКни эса 3:1 ва 3:0 ҳисобларида ортда қолдирди.
«Викинг» эса бугун Загребнинг «Динамо» клубини мусобақадан чиқариб юборди. Жамоалар ўртасидаги биринчи учрашув 2:2 ҳисобида якунланган бўлса, жавоб баҳсида «Викинг» 3:1 ҳисобида ғалаба қозонди.
Сўнгги бор Чемпионлар лигасида Норвегиянинг икки клуби 1999/2000 йилги мавсумда бир вақтнинг ўзида иштирок этган эди. Ўшанда мамлакат шарафини «Русенборг» ва «Мольде» ҳимоя қилган.
