«Chelsi» vinger Mixail Mudrikning kelajagi bo‘yicha bir nechta variantni ko‘rib chiqmoqda. Bu haqda The Athletic jurnalisti Saymon Jonson xabar berdi.

London klubi Mudrikni ijaraga berishga tayyor, shu bilan birga uni to‘liq sotish variantini ham istisno qilmayapti. Jonsonning fikricha, ukrainalik futbolchi 20 oydan buyon yuqori raqobat darajasida maydonga tushmagani sababli «Chelsi» uni sotish bo‘yicha muzokaralarda kuchli pozisiyada emas.

Mudrikni ijaraga olishga asosiy da’vogarlardan biri «Strasbur» hisoblanadi. «Chelsi»dagilar futbolchi ushbu klubda muntazam o‘yin amaliyotiga ega bo‘lishi mumkin, deb hisoblamoqda.

Mudrikning o‘zi esa «Lids» variantiga ko‘proq moyil. U eng yuqori darajada qolish va Angliya Premyer-ligasida o‘ynashni davom ettirishni istaydi.

Futbolchining uzoq vaqt maydondan tashqarida qolgani uning transfer qiymatiga sezilarli ta’sir ko‘rsatishi mumkin. Shu bois «Chelsi» muvaffaqiyatli ijarani Mudrikning sport formasini tiklashi va kelajakda bozor qiymatini oshirishi uchun imkoniyat sifatida ko‘rib chiqishi mumkin.

Eslatib o‘tamiz, 2024 yil dekabrida 25 yoshli ukrainalik futbolchining organizmida taqiqlangan meldoniy moddasi aniqlangan.

Diskvalifikasiyasi bekor qilinganidan keyin Mudrik «Chelsi» safida 3 ta uchrashuvda maydonga tushdi. U «Yuventus», «Milan» va «Darul Ta’zim»ga qarshi o‘yinlarda jami 39 daqiqa harakat qildi.