«Napoli» yarim himoyachisi Kevin De Bryoyne «Arsenal» hujumchisi Gabriel Jezusning Neapol klubiga ehtimoliy transferi haqida fikr bildirdi. Belgiyalik futbolchi sobiq jamoadoshi «Napoli» hujumiga yangi xususiyatlar qo‘sha olishini ta’kidladi.
«Gabriel Jezus bizga sifat qo‘shadi. U to‘p bilan muomala qilish, uni saqlab qolish va hujumlarni tashkil etishda jamoaga yordam bera oladi. U bizdagi Rasmus va Lorensodan farq qiladigan futbolchi. Agar u kelsa, bizga yordam berishi mumkin. Bundan tashqari, u katta tajribaga ega va qanday g‘alaba qozonishni biladi. Bu juda muhim. Nima bo‘lishini ko‘ramiz», — dedi De Bryoyne «Korryere dello Sport» nashriga bergan intervyusida.
De Bryoyne Jezus bilan transfer masalasida shaxsan gaplashmaganini ham ma’lum qildi:
«Yo‘q, u menga qo‘ng‘iroq qilmadi».
Ikki futbolchi avval «Manchester Siti» safida bir necha mavsum birga to‘p tepgan.
