talkSPORT jurnalisti Aleks Kruk ma’lum qilishicha, Jek Grilish shu yozda «Manchester Siti»ni tark etadigan bo‘lsa, «Everton»ga qaytishni istamoqda.

Vingerga uning sobiq klubi «Aston Villa» ham ijara bo‘yicha taklif bilan chiqqan, ammo Grilishning ustuvor varianti «Everton» bo‘lib qolmoqda.

Bu qaror Enso Mareska shu hafta futbolchining kelajagi bo‘yicha aniqlik kiritmaganidan keyin qabul qilindi. Mutaxassis Grilish haqida «u bu yerda bo‘lmaydigan kunga qadar uni mashq qildirishda davom etaman», deya izoh berdi.

Grilish o‘tgan mavsumni «Everton»da ijara asosida o‘tkazdi va Devid Moyes qo‘l ostida faoliyatini qayta tiklashga muvaffaq bo‘ldi. Biroq oyoq suyagi sinishi sababli uning mavsumi muddatidan oldin yakunlandi. Keyinchalik «Manchester Siti» «Everton»ning futbolchini 50 million funtga sotib olish huquqi amalga oshishiga yo‘l qo‘ymadi.

Grilish mavsumoldi tayyorgarligi uchun «Manchester Siti»ga qaytdi, ammo Mareska qo‘l ostida hali ham asosiy rejalardan chetda qolmoqda.

U «Everton» safida Premyer-ligada 20 ta o‘yin o‘tkazib, 2 ta gol urdi va 6 ta golli uzatmani amalga oshirdi.