talkSPORT журналисти Алекс Крук маълум қилишича, Жек Грилиш шу ёзда «Манчестер Сити»ни тарк этадиган бўлса, «Эвертон»га қайтишни истамоқда.

Вингерга унинг собиқ клуби «Астон Вилла» ҳам ижара бўйича таклиф билан чиққан, аммо Грилишнинг устувор варианти «Эвертон» бўлиб қолмоқда.

Бу қарор Энцо Мареска шу ҳафта футболчининг келажаги бўйича аниқлик киритмаганидан кейин қабул қилинди. Мутахассис Грилиш ҳақида «у бу ерда бўлмайдиган кунга қадар уни машқ қилдиришда давом этаман», дея изоҳ берди.

Грилиш ўтган мавсумни «Эвертон»да ижара асосида ўтказди ва Дэвид Мойес қўл остида фаолиятини қайта тиклашга муваффақ бўлди. Бироқ оёқ суяги синиши сабабли унинг мавсуми муддатидан олдин якунланди. Кейинчалик «Манчестер Сити» «Эвертон»нинг футболчини 50 миллион фунтга сотиб олиш ҳуқуқи амалга ошишига йўл қўймади.

Грилиш мавсумолди тайёргарлиги учун «Манчестер Сити»га қайтди, аммо Мареска қўл остида ҳали ҳам асосий режалардан четда қолмоқда.

У «Эвертон» сафида Премьер-лигада 20 та ўйин ўтказиб, 2 та гол урди ва 6 та голли узатмани амалга оширди.