«Milan» yarim himoyachisi Yussuf Fofana Angliya Premyer-ligasining bir nechta klubi qiziqish doirasiga tushgan. Bu haqda jurnalist Ekrem Konur xabar berdi.
Manba ma’lumotiga ko‘ra, 27 yoshli futbolchiga «Brayton», «Kristal Pelas» va «Nottingem Forest» da’vogarlik qilmoqda.
Hozircha «Milan»ga Fofana bo‘yicha rasmiy taklif kelib tushmagan. Biroq Italiya klubi 15–20 million yevro atrofidagi taklifni ko‘rib chiqishga tayyor.
Joriy mavsumda Fofana hali maydonga tushgani yo‘q. Fransiyalik futbolchining «Milan» bilan amaldagi shartnomasi 2028 yil o‘rtalariga qadar mo‘ljallangan.
Transfermarkt portali uning bozor qiymatini 23 million yevroga baholamoqda.
