«Милан» ярим ҳимоячиси Юссуф Фофана Англия Премьер-лигасининг бир нечта клуби қизиқиш доирасига тушган. Бу ҳақда журналист Экрем Конур хабар берди.
Манба маълумотига кўра, 27 ёшли футболчига «Брайтон», «Кристал Пэлас» ва «Ноттингем Форест» даъвогарлик қилмоқда.
Ҳозирча «Милан»га Фофана бўйича расмий таклиф келиб тушмаган. Бироқ Италия клуби 15–20 миллион евро атрофидаги таклифни кўриб чиқишга тайёр.
Жорий мавсумда Фофана ҳали майдонга тушгани йўқ. Франциялик футболчининг «Милан» билан амалдаги шартномаси 2028 йил ўрталарига қадар мўлжалланган.
Transfermarkt портали унинг бозор қийматини 23 миллион еврога баҳоламоқда.
