«Barselona» Ispaniya La Ligasi 1-turidan qoldirilgan uchrashuvda Bilbaoning «Atletik» klubini o‘z maydonida 2:0 hisobida mag‘lub etdi.
Uchrashuvda hisob 37-daqiqada ochildi. Rafinya aniq zarba bilan kataloniyaliklarni oldinga olib chiqdi. 82-daqiqada esa Fermin Lopes «Barselona»ning ustunligini yanada mustahkamladi.
Shu tariqa, «Barselona» ikki turdan keyin 6 ochko jamg‘ardi va xuddi shunday natija qayd etgan «Real», «Sevilya» hamda «Betis» bilan birga turnir jadvali peshqadamligini bo‘lishib turibdi.
«Atletik» esa mavsum boshidagi ikkinchi mag‘lubiyatini qabul qilib, turnir jadvalining so‘nggi pog‘onasida qoldi.
Ispaniya La Ligasi. 1-tur
27.08.2026 | Barselona, «Kamp Nou»
«BARSELONA» — «ATLETIK B» — 2:0
Gollar: Rafinya 37’ (1:0), Fermin Lopes 82’ (2:0).
«Barselona»: J. Garsiya, Espart, Martin, Kubarsi, E. Garsiya (Kunde, 80), Pedri (Joau Kanselu, 85), Bernal (Olmo, 63), Fermin Lopes, Gordon (Adeyemi, 80), Rafinya (Rodri, 63), Yamal.
«Atletik B»: Simon, Lui-Jan (Boyro, 70), Lyaport, Alvares, Rinkon, Kanales, Xauregisar (Gerenabarrena, 70), N. Uilyams (Navarro, 60), Sanset, Inyaki Uilyams (Berenger, 60), Guruseta (Djalo, 81).
Ogohlantirishlar: Espart (27) — Guruseta (48), Lui-Jan (61).
Bosh hakam: Aryas (Ispaniya)
