«Inter Mayami» jamoaning yangi bosh murabbiyi nomini ma’lum qildi.
Klub Kristian Alberto «Kili» Gonsales bilan kelishuvga erishilganini e’lon qildi. U jamoaning yangi bosh murabbiyiga aylanadi. Mutaxassis tegishli ishlash ruxsatini olganidan so‘ng rasman o‘z vazifasini bajarishga kirishadi.
Yangi bosh murabbiy va uning shtabi yetib kelgunga qadar jamoani vaqtincha Gilyermo Oyos boshqarishda davom etadi.
«Inter Mayami» Oyosga alohida minnatdorlik bildirmoqchi. U aprel oyida boshlangan o‘tish davrida jamoani boshqarishga rozi bo‘lib, klub uchun qilgan mehnati va to‘liq fidoyiligini namoyish etdi», — deyiladi klubning rasmiy saytidagi bayonotda.
Ayni paytda «Inter Mayami» MLS chempionati jadvalida 39 ochko bilan uchinchi o‘rinda bormoqda.
