«Интер Майами» жамоанинг янги бош мураббийи номини маълум қилди.

Клуб Кристиан Альберто «Кили» Гонсалес билан келишувга эришилганини эълон қилди. У жамоанинг янги бош мураббийига айланади. Мутахассис тегишли ишлаш рухсатини олганидан сўнг расман ўз вазифасини бажаришга киришади.

Янги бош мураббий ва унинг штаби етиб келгунга қадар жамоани вақтинча Гильермо Ойос бошқаришда давом этади.

«Интер Майами» Ойосга алоҳида миннатдорлик билдирмоқчи. У апрель ойида бошланган ўтиш даврида жамоани бошқаришга рози бўлиб, клуб учун қилган меҳнати ва тўлиқ фидойилигини намойиш этди», — дейилади клубнинг расмий сайтидаги баёнотда.

Айни пайтда «Интер Майами» МЛС чемпионати жадвалида 39 очко билан учинчи ўринда бормоқда.