«Barselona» bosh murabbiyi Hans-Diter Flikdan «Atletiko» hujumchisi Xulian Alvaresning ehtimoliy transferi haqida yana bir bor so‘rashdi.

«Bu haqda gapirishni unchalik istamayman. Bu sport direktorimiz Deku va boshqa mas’ullarning ishi», — deya Flikning so‘zlarini jurnalist Fabrisio Romano keltiradi.

Avvalroq «Atletiko» Alvaresni «Barselona»ga qo‘yib yubormasligini ma’lum qilgan edi. Shu bilan birga, kataloniyaliklar boshqa hujumchilarni ko‘rib chiqayotgani yo‘q. Bu haqda Flikning o‘zi ham avvalroq aytgandi.

27 avgust kuni Ispaniya chempionati 1-turidan qoldirilgan uchrashuvda «Barselona» o‘z maydonida «Atletik»ni 2:0 hisobida mag‘lub etdi. Kataloniyaliklar safida Rafinya va Fermin Lopes gol urdi.