«Барселона» бош мураббийи Ҳанс-Дитер Фликдан «Атлетико» ҳужумчиси Хулиан Альвареснинг эҳтимолий трансфери ҳақида яна бир бор сўрашди.

«Бу ҳақда гапиришни унчалик истамайман. Бу спорт директоримиз Деку ва бошқа масъулларнинг иши», — дея Фликнинг сўзларини журналист Фабрицио Романо келтиради.

Аввалроқ «Атлетико» Альваресни «Барселона»га қўйиб юбормаслигини маълум қилган эди. Шу билан бирга, каталонияликлар бошқа ҳужумчиларни кўриб чиқаётгани йўқ. Бу ҳақда Фликнинг ўзи ҳам аввалроқ айтганди.

27 август куни Испания чемпионати 1-туридан қолдирилган учрашувда «Барселона» ўз майдонида «Атлетик»ни 2:0 ҳисобида мағлуб этди. Каталонияликлар сафида Рафинья ва Фермин Лопес гол урди.