«Chelsi»ning senegallik hujumchisi Nikolas Jekson «Aston Villa» bilan qachon shartnoma imzolashi ma’lum bo‘ldi.

Avvalroq klublar futbolchining 75 million yevrolik transferi bo‘yicha kelishuvga erishgani xabar qilingan edi.

Taniqli insayder Nikolo Skiraning ma’lum qilishicha, Jekson 29 avgust, juma kuni tibbiy ko‘rikdan o‘tadi va «Aston Villa» bilan 2031 yilgacha mo‘ljallangan shartnoma imzolaydi.

Eslatib o‘tamiz, Jekson o‘tgan mavsumni «Bavariya»da ijara asosida o‘tkazdi. U 34 ta uchrashuvda 11 ta gol urdi va 4 ta golli uzatmani amalga oshirdi. Joriy mavsumda esa 25 yoshli senegallik futbolchi hali maydonga tushmagan.

«Chelsi» Jeksonni 2023 yil yozida «Vilyarreal»dan 37 million yevroga sotib olgan edi.