Argentina milliy terma jamoasi va «Liverpul» yarim himoyachisi Aleks Mak Allister Angliya Premyer-ligasining yana bir top-klubi — «Manchester Siti» qiziqish doirasiga tushdi. Bu haqda insayder Janluka Di Marsio xabar berdi.
Jurnalist ma’lumotiga ko‘ra, «Manchester Siti» rahbariyati Makallisterni Enso Fernandesga muqobil variant sifatida ko‘rib chiqmoqda. «Shaharliklar» hozircha argentinalik futbolchining transferi bo‘yicha «Chelsi» bilan kelishuvga erisha olmagan.
27 yoshli Mak Allisterning bozor qiymati 70 million yevro atrofida baholanmoqda. Uning «Liverpul» bilan amaldagi shartnomasi 2028 yil o‘rtalariga qadar mo‘ljallangan.
