Аргентина миллий терма жамоаси ва «Ливерпуль» ярим ҳимоячиси Алекс Мак Аллистер Англия Премьер-лигасининг яна бир топ-клуби — «Манчестер Сити» қизиқиш доирасига тушди. Бу ҳақда инсайдер Жанлука Ди Марцио хабар берди.
Журналист маълумотига кўра, «Манчестер Сити» раҳбарияти Макаллистерни Энцо Фернандесга муқобил вариант сифатида кўриб чиқмоқда. «Шаҳарликлар» ҳозирча аргентиналик футболчининг трансфери бўйича «Челси» билан келишувга эриша олмаган.
27 ёшли Мак Аллистернинг бозор қиймати 70 миллион евро атрофида баҳоланмоқда. Унинг «Ливерпуль» билан амалдаги шартномаси 2028 йил ўрталарига қадар мўлжалланган.
