«Yuventus» direktori Jorjo Kyellini jamoa vingeri Kenan Yildizning jarohatdan tiklanish muddati haqida ma’lumot berdi.

Turin klubi futbolchisi A Seriya 1-turidan o‘rin olgan «Frozinone»ga qarshi 1:0 hisobida yakunlangan uchrashuvda oyoq panjasidan jarohat olgan edi. Avvalroq u jarrohlik amaliyotini o‘tkazishi va uch oygacha maydonga tusha olmasligi xabar qilingandi.

«Vaziyat aniq: uning oyoq kafti suyagi jarohatlangan, jarrohlik amaliyoti talab etiladi va u bir necha oyga safdan chiqadi.

Bu uning kelajakdagi faoliyatiga ta’sir qiladigan jarohat emas. U maydonga qaytganida 100 foiz tayyor bo‘ladi. Albatta, bu yoqimsiz holat, ammo uning faoliyati va kelajagiga hech qanday ta’sir ko‘rsatmaydi», — dedi Kyellini Sky Sport efirida.