«Ювентус» директори Жоржо Кьеллини жамоа вингери Кенан Йилдизнинг жароҳатдан тикланиш муддати ҳақида маълумот берди.

Турин клуби футболчиси А Серия 1-туридан ўрин олган «Фрозиноне»га қарши 1:0 ҳисобида якунланган учрашувда оёқ панжасидан жароҳат олган эди. Аввалроқ у жарроҳлик амалиётини ўтказиши ва уч ойгача майдонга туша олмаслиги хабар қилинганди.

«Вазият аниқ: унинг оёқ кафти суяги жароҳатланган, жарроҳлик амалиёти талаб этилади ва у бир неча ойга сафдан чиқади.

Бу унинг келажакдаги фаолиятига таъсир қиладиган жароҳат эмас. У майдонга қайтганида 100 фоиз тайёр бўлади. Албатта, бу ёқимсиз ҳолат, аммо унинг фаолияти ва келажагига ҳеч қандай таъсир кўрсатмайди», — деди Кьеллини Sky Sport эфирида.