«Milan» vingeri Rafael Leau «Galatasaroy»ga o‘tishga yaqin turibdi.
Jurnalist Sasha Tavolyerining ma’lum qilishicha, portugaliyalik futbolchi «Aston Villa» o‘rniga Turkiya klubiga qo‘shilishni tanlagan. «Milan» transferdan 45 million yevro oladi, yana 5 million yevro bonuslar ko‘rinishida to‘lanishi mumkin.
Florian Plettenberg ham Leau va «Galatasaroy» o‘rtasida kelishuvga erishilganini tasdiqladi. Uning ma’lumotiga ko‘ra, Turkiya klubi futbolchi uchun kurashda g‘alaba qozonganiga ishonmoqda, chunki «Aston Villa» o‘z taklifini oshirmoqchi emas.
O‘tgan mavsumda Leau A Seriyada 29 ta uchrashuvda maydonga tushib, 9 ta gol urdi va 3 ta golli uzatmani amalga oshirdi.
