«Милан» вингери Рафаэл Леау «Галатасарой»га ўтишга яқин турибди.
Журналист Саша Тавольерининг маълум қилишича, португалиялик футболчи «Астон Вилла» ўрнига Туркия клубига қўшилишни танлаган. «Милан» трансфердан 45 миллион евро олади, яна 5 миллион евро бонуслар кўринишида тўланиши мумкин.
Флориан Плеттенберг ҳам Леау ва «Галатасарой» ўртасида келишувга эришилганини тасдиқлади. Унинг маълумотига кўра, Туркия клуби футболчи учун курашда ғалаба қозонганига ишонмоқда, чунки «Астон Вилла» ўз таклифини оширмоқчи эмас.
Ўтган мавсумда Леау А Серияда 29 та учрашувда майдонга тушиб, 9 та гол урди ва 3 та голли узатмани амалга оширди.
