«Milan»ning sobiq futbolchisi Daniel Massaro klubning yangi bosh murabbiyi Ruben Amorim haqida fikr bildirdi. U portugaliyalik mutaxassisda «Milan»ning ikki mashhur sobiq murabbiyi — Arrigo Sakki va Fabio Kapelloga xos jihatlarni ko‘rayotganini aytdi.
«Uni qanchalik tanigan bo‘lsam, juda tarbiyali va hurmatli inson. U eng muhimi jamoani birlashtirish va klub oldiga qo‘ygan maqsadga ishonish ekanini yaxshi tushunadi. Taktik nuqtai nazardan, men ko‘rgan bir nechta mashg‘ulotlarga qarab, u menga Arrigo Sakkini eslatadi. Maydon tashqarisidagi shaxsiy munosabatlar borasida esa Kapelloga o‘xshaydi», — deya Massaroning so‘zlarini pianetamilan.it keltiradi.
Eslatib o‘tamiz, «Milan» Italiya chempionatining birinchi turida «Torino»ni minimal hisobda mag‘lub etdi. Ikkinchi turda jamoa «Venesiya»ga qarshi maydonga tushadi.
