«Милан»нинг собиқ футболчиси Даниэль Массаро клубнинг янги бош мураббийи Рубен Аморим ҳақида фикр билдирди. У португалиялик мутахассисда «Милан»нинг икки машҳур собиқ мураббийи — Арриго Сакки ва Фабио Капеллога хос жиҳатларни кўраётганини айтди.

«Уни қанчалик таниган бўлсам, жуда тарбияли ва ҳурматли инсон. У энг муҳими жамоани бирлаштириш ва клуб олдига қўйган мақсадга ишониш эканини яхши тушунади. Тактик нуқтаи назардан, мен кўрган бир нечта машғулотларга қараб, у менга Арриго Саккини эслатади. Майдон ташқарисидаги шахсий муносабатлар борасида эса Капеллога ўхшайди», — дея Массаронинг сўзларини pianetamilan.it келтиради.

Эслатиб ўтамиз, «Милан» Италия чемпионатининг биринчи турида «Торино»ни минимал ҳисобда мағлуб этди. Иккинчи турда жамоа «Венеция»га қарши майдонга тушади.