«Manchester Siti» yarim himoyachisi Rayan Sherki Angliya Premyer-ligasining 2-turida «Kristal Pelas» ustidan qozonilgan 4:1 hisobidagi g‘alabadan keyin o‘z o‘yini va ilk goli haqida fikr bildirdi.

«O‘yinimni unchalik yaxshi deb baholamayman. Birinchi bo‘limda bo‘sh hududlarni topa olmadik, men ham yaxshi o‘ynamadim. Maydonda o‘ynashni, gol urishni qanchalik istashimni ko‘rsatishim kerak. Keyingi safar ko‘proq uzatmalar berishni xohlayman.

G‘alabadan juda xursandman. Keyingi hafta ko‘rishamiz. Pep Gvardiola bilan katta tarix yaratildi, endi esa yangi tarixni boshlaymiz. Biz buni isbotlamoqchimiz», — dedi Sherki BBC'ga.

«Manchester Siti» mavsum boshidagi ikkinchi g‘alabasini qo‘lga kiritib, APL turnir jadvalida birinchi o‘ringa ko‘tarildi. «Kristal Pelas» esa ketma-ket ikkinchi mag‘lubiyatini qabul qilib, jadvalning so‘nggi pog‘onasida qoldi.

Keyingi turda «Manchester Siti» o‘z maydonida «Koventri»ni qabul qiladi. «Kristal Pelas» esa safarda «Fulxem»ga qarshi maydonga tushadi. Har ikki uchrashuv 5 sentyabr kuni bo‘lib o‘tadi.