Yevropaning eng nufuzli klub turniri — Chempionlar ligasining yangi mavsumi uchun o‘tkazilgan qur’a natijasiga ko‘ra, «PSJ» «Barselona»ga qarshi maydonga tushadi.
Bu ikki klubning so‘nggi 15 yil ichidagi o‘zaro 14-uchrashuvi bo‘ladi. Ya’ni, «PSJ»ga Qatar investorlari kirib kelganidan buyon parijliklar va kataloniyaliklar deyarli muntazam ravishda to‘qnash kelmoqda.
Shu davrda o‘tkazilgan 13 ta o‘yinning beshtasida «PSJ» «Barselona»ni mag‘lub etgan. Parij klubi so‘nggi 15 yilda faqat «Chelsi» ustidan ham xuddi shuncha — beshta g‘alabaga erishgan. Bu «PSJ» uchun mazkur davrdagi eng yuqori ko‘rsatkich hisoblanadi.
Eslatib o‘tamiz, «PSJ» Chempionlar ligasining amaldagi g‘olibi hisoblanadi.
