Moldovalik himoyachi Leo Saka «Barselona»ni tark etdi. U Kataloniya klubi tizimida olti yil o‘tkazgan bo‘lsa-da, ikkinchi jamoa tarkibida mustahkam o‘rin egallay olmadi.
Endi futbolchi faoliyatini Ruminiya chempionatida davom ettirishi mumkin. moldfootball.com ma’lumotiga ko‘ra, Saka Klujning «CHFR» klubi bilan shartnoma imzolashga yaqin turibdi. Mazkur jamoa Yevropa musobaqalarida muntazam ishtirok etib keladi.
Biroq transferni rasmiylashtirishga ayni paytdagi cheklovlar to‘sqinlik qilishi mumkin. Hozircha «CHFR»ga yangi futbolchilarni ro‘yxatdan o‘tkazish taqiqlangan. Shunga qaramay, klub rahbariyati vaziyat yaqin kunlarda o‘zgarishiga umid qilmoqda.
