Молдовалик ҳимоячи Лео Сака «Барселона»ни тарк этди. У Каталония клуби тизимида олти йил ўтказган бўлса-да, иккинчи жамоа таркибида мустаҳкам ўрин эгаллай олмади.
Энди футболчи фаолиятини Румыния чемпионатида давом эттириши мумкин. moldfootball.com маълумотига кўра, Сака Клужнинг «ЧФР» клуби билан шартнома имзолашга яқин турибди. Мазкур жамоа Европа мусобақаларида мунтазам иштирок этиб келади.
Бироқ трансферни расмийлаштиришга айни пайтдаги чекловлар тўсқинлик қилиши мумкин. Ҳозирча «ЧФР»га янги футболчиларни рўйхатдан ўтказиш тақиқланган. Шунга қарамай, клуб раҳбарияти вазият яқин кунларда ўзгаришига умид қилмоқда.
