"Liverpul" vingeri Kodi Gakponing boshqa klubga o‘tishi amalga oshmasligi mumkin. Bu haqda jurnalist Aleks Kruk xabar berdi.
Manba ma’lumotiga ko‘ra, Bradli Barkolaning kutilayotgan transferi Gakponing "Tottenxem", "Manchester Siti" yoki boshqa klubga o‘tishini anglatmaydi.
Ta’kidlanishicha, mersisaydliklar Kodi Gakponi faqat 1 sentyabr kuni yopiladigan transfer oynasiga qadar yana bir vinger bilan shartnoma imzolay olgan taqdirdagina qo‘yib yuborishga tayyor.
Biroq ayni paytda bunday ssenariyning amalga oshish ehtimoli past deb baholanmoqda.
"Liverpul" 29 avgust kuni Angliya Premyer-ligasining 2-turida o‘z maydonida "Nottingem Forest"ni qabul qiladi.
