«Bavariya» bosh murabbiyi Vensan Kompani «Shtutgart» ustidan 5:1 hisobidagi g‘alabadan so‘ng fikr bildirdi.

Belgiyalik mutaxassisdan Bundesliganing eng kuchli jamoalaridan biriga qarshi o‘yindagi bunday natija myunxenliklarning chempionatdagi boshqa klublardan ustunlik darajasi haqida nimani anglatishi so‘raldi.

«Bu yerga kelganimni yaxshi eslayman. Bu unchalik uzoq vaqt oldin emas, atigi ikki yil avval edi. O‘shanda «Shtutgart» «Bavariya»ni hech qanday qiyinchiliksiz mag‘lub etayotgandek edi.

Shuning uchun hozirgi farq kattadek ko‘rinayotganining yagona sababi — biz g‘alaba qozonayotganimiz. Ammo hamma narsa juda tez o‘zgarishi mumkin. Shuning uchun biz bir xil ruhda davom etishga va har safar hammasini noldan boshlashga e’tibor qaratyapmiz», — dedi Kompani.