Italiyaning «Milan» klubi sobiq kapitani Massimo Ambrozini «Galatasaroy»ga o‘tish uchun klubni tark etishga qaror qilgan Rafael Leau haqida fikr bildirdi. U ketishga qaror qilgan futbolchini jamoada qolishga majburlashdan ma’no ko‘rmayapti.
«Bu muqarrar edi. Yigit o‘z fikrini bildirdi. U ketishni istagan paytda uni ushlab qolish qiyin. Klub o‘tmishda futbolchiga sarflangan mablag‘larni qoplashga harakat qilishi kerak edi», — deya Ambrozinining so‘zlarini pianetamilan.it keltirmoqda.
Eslatib o‘tamiz, Leau 2019 yilda Fransiyaning «Lill» klubini tark etib, «Milan»ga qo‘shilgan. 2022 yilda u klub tarkibida Italiya chempioni bo‘lgan.
